Mestreechter Speerpunten

  1. Mestreechter zörgmodel
  • ’n Wèt Maotsjappeleke Oondersteuning (WMO) die zörg op maot beujt en de börger daodwerkelek centraol stèlt.
  • Zörg en oondersteuning garandeert veur lui die dat daodwerkelek nudeg höbbe.
  • Genóg wiekverpleegkundege en wiekagente aonbeujt.
  • Väöl aondach en oondersteuning veur de väöl mantelzörgers, hoeshawwes in ermooj situaties en hoeshawwes.
  • Zörg kort bij hoes door de samewèrking vaan hoesartse, wiekverpleging, thoeszörg en mantelzörg.
  • Veurkoume in plaots vaan geneze door investere in welzijn, cultuur en zörg.

 

  1. Mie oug veur de Mestreechter seniore
  • Betaolbaar en aongepaste woeninge um langer thoes te kinneblieve woene.
  • Good bereikbaar, touwgaankelek openbaar verveur en verveur op maot.
  • ‘n Gemeinteleke verzekering um de koste vaan de eige bijdrage veur minder-draagkrachtege op te vaange.
  • Zörg op maot, rekening hawwend mèt ’t belaank vaan seniore.
  • Tot de gemeinte alle informatie op einvoudege en liegdrempelege wijs aonbeujt.
  • ’t Opene vaan ‘n awwerelokèt/tèllefoon veur hölp bij praktiese zake.
  • ’t Werve vaan vrijwèllegers die aktief betrokke weure in de seniorezörg.

 

  1. Aondach veur de Mestreechter hoeshawwes
  • Bereikbaar kindcentra mèt good oonderwies en opvaang.
  • Stimulere en betaolbaar hawwe vaan sport-, meziek- en zwumlèsse veur de oontwikkeling vaan eus kinder.
  • Voldoende en good ingeriechte openbaar ruimtes um boetespeule meugelek en appetietelek te make.
  • ’t Opene vaan e gezinslokèt veur ’t ophole en oetwissele vaan informatie.
  • Inzètte op oonderwies aon beidskante vaan de Maos.
  • Bestrije vaan onnudege koste vaan boetelandse sjaolreiskes in ’t veurtgezèt oonderwies.
  • Gemekelek touwgaankeleke hölp door wiekteams veur hoeshawwes in de probleme.
  1. De Mestreechter börger centraol
  • Door vaan harte nao börgers te luustere en ze te blieve opzeuke.
  • Mie oug en oer veur datginnege wat börgers ech nudeg höbbe.
  • Wèrke aon ’n mie deensbaar en mie klantgeriechte euverheid.
  • Zörge veur riechtege inspraok veur de börger dat neet weurt belemmerd door coalitieaofspraoke.
  • ’t Stimulere vaan börgerinitiatieve zoonder bemeujenisse vaan de euverheid.
  • Door es polletiek beter en in begriepeleke taol oet te lègke boerum get neet of mer beperk meugelek is.

 

  1. Leveskrachtege Mestreechter buurte/wieke.
  • Veilege, oetdagende en propele leefumgeving boe kinder kinne speule en opgreuje.
  • ‘t Behawwe vaan en oondersteune vaan belaankrieke veurzeninge in buurte zoewie buurthoezer en gemeinsjapshoezer.
  • De leefbaarheid vaan buurte bewake door handhavend op te trejje.
  • Buurte veur joonk en aajd, heur- en koupwoeninge, alleinstaonde en hoeshawwes en e quotum veur kamergesplitste verheur.
  • Buurtgeriech wèrke versterke mèt ’n belaankrieke rol veur wiekverpleging en wiekagente.
  • Buurtbewoeners mie betrèkke bij de besluutvörming en oetveuring vaan bepaolde collectieve take.
  • Belaank vaan stadsnatuur door good oonderhaajd greunveurzeninge.

 

  1. Hoejere vaan Mestreechter vereiniginge
  • Betaolbaar hoesvesting veur eder vereiniging, geriech op de eige wiek.
  • Daoveur instoon tot ederein lid vaan ’n vereiniging kint weure (zeker kinder).
  • ’n Subsidieregeling die breier loert es allein ’t aontal lede of nui initiatieve.
  • Gemeinte en vereiniginge laote samewèrke aon e touwkomsbestendeg vereinigingsleve.
  • ’t Stimulere vaan de samewèrking tösse vereiniginge onderein (mèt behaajd vaan de eige identiteit / ’t eige geziech).
  • Mie gemeinteleke oondersteuning veur vernuiing en oontwikkeling vaan vereiniginge.
  • ’t Aonbeeje vaan ’n groete vereinigingshal veur opslaag en wèrkruimte veur alle vereiniginge.
  • ’ne Betaolbare middezaol veur ’t organisere vaan producties door vereiniginge.

 

  1. Evewiechtegheid en bereikbaarheid in Mestreech
  • Trökdringe vaan veroonnöttegend verkier in de stad.
  • e Stadsdistributiecentrum in Mestreech-Wes en –Oos boe geujere oontvaange, verdeild en verveurd kinne weure.
  • Handhaving op vervojling vaan de openbaar ruimte.
  • Mie inzètte op ’t Mestreechter Enerzjie Akkoord.
  • Gemeintelek beleid toetse op ’t doorveure vaan evewiechtege klimaat oontwikkelinge.
  • Oondernummers oondersteune in ’t aofslete vaan gezameleke aofvalcontracte.
  • ’t Plaotse vaan zonnepaniele op euverheidsgebouwe.
  • ’n Ellentrik gemeintelek wagelpark.

 

  1. Ierleke Mestreechter economie
  • ’t Oondersteune vaan ’t MKB door ’t trökdringe vaan regels en ’n betere gemeinteleke deensverliening aon te beeje.
  • De bereikbaarheid vaan Mestreech verbetere door ’n beter aonsleting op ‘t (inter)nationaal verveur.
  • ’t Beter aofstumme vaan sjaoling op de vraog vaan d’n arbeidsmerret.
  • ’t Oondersteune vaan de merreteconomie in de Euregio.
  • ’ne Betere ballans in ’t spreie vaan eveneminte.
  • Aonpak vaan leegstand en ’t verbetere vaan leef- en wèrkklimaat.
  • Besjerming vaan de winkeleer, gein oongebreidelde oetbreiing vaan winkeltije.

 

  1. Aondach veur weerdes en tradities
  • Wèrke aon ’n betrokke sameleving. Bewus aondach veur gemeinsjappe, vereiniginge, kèrke en buurte/wieke.
  • ’n Sterke sameleving, boe-in respek, saamhorigheid en gemeinsjapszin de belaankriekste weerdes vörme.
  • Besjerming vaan eus gedeilde weerdes en norme.
  • Zörge veur oondersteuning vaan activiteite geriech op ’t samebringe en ’t mèt ein optrekke vaan lui.
  • Stimulere vaan activiteite geriech op ’t euverdrage vaan weerdes en tradities.
  • ’t Bewake en actief oondersteune vaan ’t Mestreechter cultureel erfgood.
Close